پاکستان تحریک انصاف (پی ٹی آئی) کے چیئرمین بیرسٹر گوہر علی خان نے کہا ہے کہ پارٹی کے بانی کو ناحق قید میں رکھا گیا ہے اور ان کے خلاف تمام مقدمات سیاسی نوعیت کے ہیں۔
اڈیالہ جیل کے قریب پولیس ناکے پر میڈیا سے گفتگو کرتے ہوئے بیرسٹر گوہر نے امید ظاہر کی کہ بانی پی ٹی آئی رواں ہفتے رہا ہو جائیں گے۔ ان کا کہنا تھا، ’’ہماری دعا ہے کہ وہ جلد از جلد آزاد ہوں، ان شاء اللّٰہ رہائی قریب ہے۔‘‘
انہوں نے واضح کیا کہ 6 مئی کو اڈیالہ جیل میں کوئی ملاقات یا بریفنگ نہیں ہوئی۔ ان کے مطابق بانی پی ٹی آئی نے ملاقات کے دوران کسی ایسی بریفنگ کا ذکر بھی نہیں کیا۔ بیرسٹر گوہر کا کہنا تھا کہ ان کے خلاف تمام مقدمات سیاسی بنیادوں پر بنائے گئے ہیں اور اب وقت آ گیا ہے کہ قوم کو حقیقت سے آگاہ کیا جائے۔
رہائی کے امکانات کے حوالے سے بات کرتے ہوئے بیرسٹر گوہر نے کہا کہ وہ پر امید ہیں اور کسی نہ کسی قانونی راستے سے یہ مسئلہ حل کیا جائے گا۔
ایوان میں ہونے والی حالیہ پیش رفت پر تبصرہ کرتے ہوئے انہوں نے کہا کہ ان ہاؤس تبدیلی پی ٹی آئی کے ایجنڈے کا حصہ نہیں اور اس بارے میں کوئی فیصلہ نہیں کیا گیا۔
پاکستان تحریک انصاف (پی ٹی آئی) کے چیئرمین بیرسٹر گوہر علی خان نے کہا ہے کہ پارٹی کے بانی کو ناحق قید میں رکھا گیا ہے اور ان کے خلاف تمام مقدمات سیاسی نوعیت کے ہیں۔
اڈیالہ جیل کے قریب پولیس ناکے پر میڈیا سے گفتگو کرتے ہوئے بیرسٹر گوہر نے امید ظاہر کی کہ بانی پی ٹی آئی رواں ہفتے رہا ہو جائیں گے۔ ان کا کہنا تھا، ’’ہماری دعا ہے کہ وہ جلد از جلد آزاد ہوں، ان شاء اللّٰہ رہائی قریب ہے۔‘‘
انہوں نے واضح کیا کہ 6 مئی کو اڈیالہ جیل میں کوئی ملاقات یا بریفنگ نہیں ہوئی۔ ان کے مطابق بانی پی ٹی آئی نے ملاقات کے دوران کسی ایسی بریفنگ کا ذکر بھی نہیں کیا۔ بیرسٹر گوہر کا کہنا تھا کہ ان کے خلاف تمام مقدمات سیاسی بنیادوں پر بنائے گئے ہیں اور اب وقت آ گیا ہے کہ قوم کو حقیقت سے آگاہ کیا جائے۔
رہائی کے امکانات کے حوالے سے بات کرتے ہوئے بیرسٹر گوہر نے کہا کہ وہ پر امید ہیں اور کسی نہ کسی قانونی راستے سے یہ مسئلہ حل کیا جائے گا۔
ایوان میں ہونے والی حالیہ پیش رفت پر تبصرہ کرتے ہوئے انہوں نے کہا کہ ان ہاؤس تبدیلی پی ٹی آئی کے ایجنڈے کا حصہ نہیں اور اس بارے میں کوئی فیصلہ نہیں کیا گیا۔